Australia-ah Lion a hlawhtling

Nicole Kidman leh Dev Patel te channa, Lion chu Australia chhuak a ni bawk a, Australia-ah a hlawhtling a, Australia aṭanga film siam zinga sum lalut hnem ber pariat­na a tling der tawh mai.

Lion hi January 19 khan Australia-ah tih­chhuah a ni a, Australia miin an siam film a ni a, chawlhkar nga an chhuah tawhah Austra­lian Dollar (AUD) mtd 22.7 a thawk chhuak tawh a, chu chu USD mtd 17.4 a ni. Australia miin an siam film zinga sum lalut hnem ber pariatna a rawn ni thei der tawh a, Mad Max: Fury Road pawh kha a rawn khum. Expert te chuan Crocodile Dundee II, The Great Gatsby leh Moulin Rouge te pawh kha a rawn khûm theih an ring.

Lion hi a hlawhtling hle a, Oscar-ah pawh cate­gory parukah ngawt a lang. USD mtd 12 senga an siam kha a ni a, khaw­vel pumah USD mtd 100 a hmu tling der tawh a ni.