Miss Mizoram 2017 Mipui duhzawng thlan tur People’s Choice title siam a ni

Miss Mizoram 2017-ah intihsiakna hrang hrang neih chhunzawm zel a ni a, Bikini Photoshoot neih zawh a ni a, nimin khan Runway Round neih leh a ni. Miss Mizoramah hian mipuiten, mahni khua emaw, district bil emaw ni loa contestant-te zinga kan duh leh ṭha kan tih ber thlan theihna tur siam a ni a, People’s Choice title siam a ni.

Miss Mizoram finalist-te hian ni 17 leh 18 te khan Bikini Photoshoot an nei a, Thawhlehni zan khan tihchhuah a ni. Nimin khan Runway Round neih a ni a, Zirtawpni zan hian tihchhuah leh a ni ang.

Round hrang hrang neih chhoh mek lai hian Miss Mizoram 2017 Charity pawh kalpui mek zel a ni a, HIV/AIDS veite ṭanpui duh tan office hun chhungin Zonet Office-ah ṭanpuina pek theih reng a la ni. Tun Inrinni hian Talent Round neih leh a ni ang.

Judge ten contestant aṭanga thiam, pian nalh leh chhe lo an thlan chhuah dawn bakah mipuiten kan duhzawng leh ṭha kan tihzawng thlan ve theih turin ruahmanna siam a ni. People’s Choice thlan dan chu MISS Mizoram Facebook page leh Instagram-a miss-mizoram-ah te, Like for People’s Choice logo lanna thlalaka duh ber Like tur a ni. Like-tu ngah ber thlalak hnenah Miss Mizoram 2017 - People’s Choice title pek a ni ang.

Mipui vote a niha Mizotena kan la thiam loh chu an ṭhat leh ṭhat loh lam ngaihtuah miah loa mahni veng, khua leh district te vote chiam kan ching hi a ni. People’s Choice-ah hian ṭan zawng leh duhsak zawng ni ringawt loa kan mita ṭha ber kha Like ṭhin tur a ni.