BRIT Awards-ah Thih hnuah David Bowie-a’n award pahnih a la

Britain-a kum tina music lam award an sem ṭhin, BRIT Awards 2017 chu Nilaini zan khan sem a ni a, hetah hian zaithiam fam ta, David Bowie chuan award pawimawh pahnih a dawng.

BRIT Awards-ah hian David Bowie hian a album Blackstar avangin Best British Album leh British Male Solo Artist te a la a, a aiawhin a fapa, Duncan Jones chuan a dawng. BRIT Awards hi British mi zaithiam leh musician-te inchawimawina a ni ber a, khawvel puma zai lama mi hlawhtling tan award siam a ni bawk.

Chawimawina dawng langsar zingah Drake te, Adele te, The 1975 te, Beyonce Knowles leh One Direction te an tel. Drake hian International Male Solo Artist a dawng a, hmeichhe lamah Beyonce-i’n a dawng. Adele hian BRITs Global Success Award a dawng a, The 1975 hian British Group Award dawngin, One Direction hian British Artist Video of the Year an dawng.

Winner list
British Female Solo Artist: Emeli Sande
British Male Solo Artist: David Bowie
International Group: A Tribe Called Quest
British Single: Little Mix - “Shout Out to My Ex”
British Group: The 1975
International Male Solo Artist: Drake
British Breakthrough Act: Rag ‘N’ Bone Man
BRITs Global Success Award: Adele
International Female Solo Artist: Beyonce Knowles
British Artist Video: One Direction - “History”
Mastercard British Album: David Bowie - “Blackstar”