Miss Chapchar Kût Thlang turin inbuatsaih ṭan

Diktawn Monthly Magazine chuan March 3, 2017-a Chapchar Kût kan hman leh turah Miss Chapchar Kût a thlang leh dawn a, inbuatsaihna pawh kalpui mek a ni.

Miss Chapchar Kût atana thlan chhuah hian Rs. 10,000 a dawn bakah crown, washing machine, citation, photo frame, lehkhabu Rs. 5,000 man hu a dawng ang. Runners Up hian Rs. 1,000 bakah smartphone, citation, photo frame, lehkhabu Rs. 5,000 man hu leh thil dang te a dawng dawn a ni.

Tehna hrang hrang siam a ni a, Miss Chapchar Kût tur hian Mizo nula, kum 17 aṭanga 30 inkar a ni tur a ni a, thlahpawlh a nih pawhin Mizo khua leh tui nihna nei aṭanga thlan chhuah tur a ni.

Kût niah Mizo dress-in a inthuam tur a ni a, a thawm­hnaw inbel chu Mizo thawmhnaw a ni tih hriat, a design-ah tunlai fashion deuh tak pawh ni se, Mizo tradition pho­lang thei a nih chuan pawm a ni.

Miss Chapchar Kût tur hian ruihtheih thil, zuk leh hmuama fihlim, hmel­ṭha, pian nalh, nungchang mawi tak pu, khawtlanga hmingchhiatna nei lo nih a ngai a, Chapchar Kût niin a hmanna pui ber, AR Lammual leh a chhehvelah dar 10:00 aṭanga chawhnu dar 3:00 chhunga an awm a ngai.