K-Pop Awards an sem

Nilaini zan khan Gaon Chart K-Pop Awards sem a ni a, he award-ah hian kum 2016 chhunga South Korea-a music hralh hnem zaithiamte hnenah award hlan a ni.

A pumpui thuah mipa lam an langsar zawk hle. GOT7, EXO leh BTS te chu album hralh ṭha ber ber an ni. Nikum quarter hmasa berah GOT7, quarter hnihnaah BTS ten an album an hralh ṭha a, quarter thumna leh lina lamah chuan EXO-in ro an rel thung. Physical album-a hralh ṭha ber ber pathum an ni.

Artist of the year lamah chuan hmeichhia an langsar zawk. Thla tina an chet ṭhat dan, an hla an hralh ṭhat dana pek a ni a, nikum January thlaa Artist of the Year chu GFRIEND, February-ah MAMAMOO, March-ah Jang Bum Joon, April-ah TWICE, May-ah Urban Zakapa, June-ah Sistar, July-ah Wonder Girls, August-ah BLACKPINK, September-ah Lim Chang Jung, October-ah TWICE, November-ah BLACKPINK leh December-ah BIGBANG ten an dawng.

Rookie of the Year-Album hi NCT 127-in an dawng a, Rookie of the Year-Song chu BLACKPINK-in an dawng. Artist Fan Choice - Individual hi EXO-a mi Sehun chuan a la a, Artist of Fan Choice - Group chu EXO a ni.