Doctor Strange 2, kumina film sum lalut tam ber a ni ta!
Film thar Downton Abbey 2-in a la ngam chuang lo!
Film thar 'Downton Abbey: A New Era' tlangzarh ni mah se 'Doctor Strange in the Multiverse of Madness' a la ngam chuang loa, pahnihnaa a awm a ngai. 'Doctor Strange in the Multiverse of Madness' hian kar thum chhung a zawnin ro a rel ta a ni.
'Doctor Strange in the Multiverse of Madness' hi kar tawp liam ta chhung khan theatre 4,534-ah chhuah a ni a, $32,304,560 lai sum a la lalut hem mai. He film hian US pawn lamah sum $461,659,427 lalut tawhin US-ah ringawt pawh $342,785,045 lai sum a lalut tawh a, a sum lakluh tawh zawng zawng chu $804,444,472 lai ni tawhin tunah chuan 'The Batman' ai pawhin a sum lakluh a tam tawh a, kumina film tlangzarh zinga sum lalut tam ber a ni der tawh. Chu dinhmuna ding tur chuan kar thum bak hun a mamawh lo!
Robert Pattinson channa 'The Batman' khan $769,201,241 a lakluh laiin 'Doctor Strange in the Multiverse of Madness' hian $804,444,472 a lalut tawh a, $tluklehdingawn a lakluh har a rinawm loh.
Film thar 'Downton Abbey 2' chu le
Historical drama film 'Downton Abbey: A New Era' chu Zirtawpni liam ta khan US-ah tlangzarh a ni a, a film hmasa ang bawk khan critics lam mit erawh a tlung leh viau mai. $mtd 40 vel senga an film siam hian khawvel kar tawp liam ta chhung khan theatre 3,820 aṭangin $16,000,495 a lalut a, Box Office-ah pahnihna a ni. Khawvel puma a sum lakluh erawh $51,976,495 lai a ni tawh.
Film thar dang
Top 10-a lang phak zingah pangana 'Men' chu film thar a ni bawk. Jessie Buckley leh Rory Kinnear-te channa horror film hian $3,293,030 a hmu chhuak a ni.
2000 Mules (13), The Roundup (19), Good Mourning (26), Hold Your Fire (35), Fire in the Mountains (40)-na leh Mondocane (41) te chu film thar an ni bawk.
Box Office top 10:-
1 Doctor Strange in the Multiverse of Madness $32,304,560
2 Downton Abbey: A New Era $16,000,495
3 The Bad Guys $6,140,165
4 Sonic the Hedgehog 2 $4,091,446
5 Men $3,293,030
6 Everything Everywhere All at Once $3,135,928
7 Firestarter $1,989,750
8 Fantastic Beasts: The Secrets of Dumbledore $1,950,309
9 The Lost City $1,562,444
10 The Northman $1,050,655