India ramah Justin Bieber

Justin Bieber chu October 18 hian India ramah a rawn concert dawn a, Jawaharlal Nehru Stadium, New Delhi-ah concert hi a nei ang.

Justice world tour peng pakhat atan India ramah hian show hi a rawn nei dawn a, AEG Presents leh Indian entertainment ticketing platform BookMyShow-te chu show co-promoter an ni.

Bieber hian kum 2017 May thla khan Purpose world tour neiin Mumbai-ah show a rawn nei tawh a, fan 40,000 chuang an pungkhawm a nih kha. India ramah hian hripui len hnuah ramdang zaithiam lar takin stadium show an la rawn nei lo a, Bieber hi a hmasa ber tur a ni bawk.

BookMyShow chuan ticket 43,000 vel an hralh chhuak dawn a, June 4 aṭang hian ticket a lei theih dawn a, June 2 hian pre-sale an ṭan dawn bawk a ni. Ticket hi Rs. 4,000 man aṭangin a inṭan ang.