Bong Joon-Ho film-ah Mark Ruffalo

'Parasite' film a siam avanga Oscar award hial pawh lo dawng tawh Bong Joon-Ho film siam thar turah Mark Ruffalo chu a chang dawn a, Toni Collette leh Naomi Ackie-te nen he film-ah hian an chang dawn a ni.

Edward Ashton lehkhabu ziah 'Mickey7' behchhana film siam turah hian 'The Batman' actor Robert Pattinson pawh a chang dawn tih a hmain tihchian a lo ni tawh a, a film hming tur tak erawh tarlan a la ni lo.

He film hi Bong Joon-Ho hian a direct dawn bakah script pawh amahin a ziak vek dawn a, a production company Offscreen hmangin a produce dawn bawk.