Nicki Minaj-i’n Aretha a tluk hnai

Billboard Hot 100-ah Nicki Minaj chuan Aretha Franklin-i’n record a lo siam tawh chu a tluk hnai ta. Nick Jonas nena an hla sak dun ‘Bom Bidi Bom’ chu Billboard Hot 100-ah hian 54-ah a rawn lang thar a, heti hian Hot 100-a lang thei hla Nicki Minaj hian hla 72 a nei ta chiah a ni.

Billboard Hot 100-a lang thei hla nei hnem ber chu Aretha Franklin a ni a, a hla 73 a lang tawh a, Nicki Minaj hian a rawn hnaih ta hle. Billboard Hot 100 hi kum 1958-a siam a ni a, an siam tirhaṭanga hmeichhe hlawhtling ber chu Aretha Franklin a ni. Nicki Minaj chu pahnihna a ni mek.

Taylor Swift chu Hot 100-a lang thei hla ngah pathumna niin, he chart-ah hian a hla 70 a lang tawh. Madonna leh Rihanna ten an dawt. Rihanna hian tun­hnai khan record thar a nei a, chu chu Hot 100-a top 10-a lang thei hla neih hnemah Michael Jackson a rawn nih rual a, top 10-ah a hla 30 lai an lang thei.