Billboard Artist 100-ah Bruno Mars

Bruno Mars hun a inher chho mek a, Grammy Awards-a a perform avang khan a music hralh nasa takin a pun phah a, hei vang hian Billboard Artist 100-ah pakhatna a rawn luah.

Kar hmasa khan Bruno Mars hi palina a ni a, tunkarah pakhatnaah a rawn kai. Grammy-ah khan Prince pualin The Time nen an che a, hetah hian ‘That’s what I like’ hla a sa bawk. He a hla hi a hnuah Billboard Hot 100-ah top 10-ah a rawn kai leh theih phah.

Nikum December 10 khan Bruno Mars hi Billboard Artist 100-ah pakhatna a lo luah tawh a, tun hi a vawi hnihna a ni. Artist 100-a a hmaa pakhatna Gaga chu panganaah a tla thla a, Ed Sheeran chu pahnihnaah a rawn chho. Adele pawh 11-na aṭangin pathumnaah a rawn kai a, The Weeknd chu pangana aṭangin palinaah a chho bawk.