Queen chawimawina atan Royal mail stamps siam dawn

Britain Royal mail chuan British band zinga huhang ngah ber pawl Queen pualin special stamp 13 an siam dawn.

An stamp siam tur zinga pariatah chuan Queen album cover lar zualte tihlan a ni dawn a, "Queen II", 1974; "Sheer Heart Attack", 1974; "A Night At The Opera", 1975; "News Of The World", 1977; "The Game", 1980; "Grea­test Hits", 1981; "The Works", 1984; leh "Innuen­do", 1991-te an dah dawn a ni. Heng bakah hian miniature-sheet, Queen live performance image pawh an dahtel dawn a, Wimbley Stadium-a 1986-a Freddie Mercury perform lai te, Hyde Park, 1976-a Roger Taylor te,  Hammersmith Odeon, 1975-a John Deacon perform laite leh Budapest, 1986-a Brian May lemte pawh an dah dawn bawk.

Primrose Hill studio an band thlalak hmasa ber Johnny Dewe Mathews lak­sak pawh stamp-a an siam tur zingah hian a tel.

Drummer Roger Taylor chuan an album cover lanna stamp siam a ni tur chu chawimawina a nih thu sawiiin Royal Mail lawmthu a hrilh.

Guitarist Brian May pawh a lawm hle. "Heng stamp mawi tak tak ka hmuh hian ṭawngkama sawi chhuah thiam a har hial zawk. Keini pali hi kum 50 liam ta vela bulṭan kha an ni a, kan duhthusam ram thleng dik thei lo tura kan ngaih thlen dik tir tur khan kan nun kan hlan a ni. A chang chuan kan dinhmun ka ngaihtuah chhuah hian a mak hial zawk- national institution kan ni ta mai hi! Royal Mail-in min chawimawina aia nasa zawk hi a awm thei chuang lo," tiin a sawi ve bawk.

Queen hian June 1970 khan Truro City Hall-ah an gig hmasa ber an nei a, khatih hunlai kha chuan Smile an la inti. John Deacon-a'n an band a zawm hnua an band hming an thlak hnu aṭanga a hnu kum 20 chhung vel kha chu an band line-up kan hriat lar ang hian an awm zui a a ni. Queen anga an inlan hmasak ber chu July 2, 1971-ah niin Surrey College-ah an perform.

Hemi hnu hian hlawh­tlinna chhar zuiin platinum, multi-platinum leh gold album eng emaw zat an nei a, chawimawina pawh an dawng hnem tawh hle. Grammy Hall Of Fame leh Grammy Lifetime Achieve­ment Award-te pawh an dawng tawh a ni.

UK chart-a album hralh hnem ber record-te pawh lo siam tawhin an Greatest Hits album kha copy maktaduai 6 vel lai an hralh.

Music scene-ah chauh an hlawhtling lo a, kum 2018-a Bohemian Rhapsody film tihchhuah khan Golden Globes leh Oscars-te pawh a la hui ta zel a ni.

The Beatles leh Pink Floyd-te nen huang khatahNakkum hian an band 50th anniversary a thleng tawh dawn a, hemi lawmna ni pah fawm hian an band pual stamp hi an nei ve ta a, anni bakah hian The Beatles (2007) leh Pink Floyd (2016)-te chuan stamp hi an lo nei tawh bawk. Music group dedicated stamp nei thei pathumna chauh an la ni.