Miss Mizoram 2017 Talent Round an zo leh ta

Miss Mizoram 2017 thlanna kal mekah, Inrinni khan Talent Round neih leh a ni a, Miss Mizoram finalist-ten thiam thil an neih chi hrang hrang an entir.

Miss Mizoram finalist-te hian kar liam ta chhung khan intihsiakna hrang hrang an nei a, Runway Round te neiin, he round hi Zirtawpni zan khan tihchhuah a ni. Inrinni khan Talent Round neih leh a ni a, naktuk zan hian Zonet Zawlbuk­ah tih­chhuah a ni ang. Tun kar chhung hian Fitness Round a awm ang.

People's Choice pawh thlan theih zel a la ni. Miss Mizoram 2017-ah hian sub title hrang hrang a awm dawn a, chung zinga pakhat tur chu People's Choice hi a ni. People's Choice atana thlan dan chu Miss Mizoram Facebook page leh Instagram-a contestant-te thlalak, 'Like for PEOPLE's CHOICE' logo awmna kha Like tur a ni. Like nei hnem ber chu People's Choice-a puan a ni ang.

Charity pawh a duh tan a la theih reng a, March 4 thleng la hawn a ni. Miss Mizoram 2017 chuan SHALOM nenṭangkawpin HIV/AIDS vei inen­kawlna lama harsat­na nei hnenah, SHALOM kal­tlangin kum khatchhung Nutrition Support pek a tum.

Hemi atan hian March 9 khian Charity Din­ner buatsaih a ni dawn a, March 10-a Grand Finale ticket aṭanga hmuh pawh cha­rity atana hlan vek tur a ni. Charity-a tel duh, ṭanpuina thawh duh chuan March 4 thleng hawn a ni a, ZONET Office-ah office hun chhunga pek theih a ni.