Chris Brown leh 50 Cent tour dawn

R&B star, chanchin buai lam nei ve thei tak Chris Brown chuan tun nipui hian tour a nei dawn tih a puang chhuak a, hetah hian 50 Cent nen an inzui ang a, midang pawh an hruai nual dawn.

Chris Brown te tour tur hi The Party Tour a ni a, 50 Cent bakah Fabolous, O.T. Genasis leh Kap G te nen an inkawp tlang dawn. March 31 khian Baltimore aṭangin bul an ṭan ang a, May 23 khian Los Angeles-ah tour an khar ang.

Chris Brown hian buaina neuh neuh a nei ve reng a, kum 2009-a a bialnu Rihanna a hnek aṭang khan dan lam nen an inthlah tak tak thei lo. A bialnu hlui, Karrueche Tran chuan a nun tiralṭi zawngin Chris Brown hi a che nia a puh avangin amah hnaih lo tura Brown khuah­khirh turin kar liam ta khan dan hmaah a thlen a, amah Tran, a nu leh a nuṭate aṭanga yard 100 aia hnaia awmtir lo turin court-ah a thlen a, Tran duh ang hian court chuan thupek a chhuah. Tran hian Brown nena an inngaihzawn chhung hian kut a thlak nasa ṭhin hle niin a sawi bawk.