Samsung Galaxy S8 chanchin a put ru

Samsung-in an phone siam thar, an tih chhuah tur, Samsung Galaxy S8 chanchin, a nihphung tur a put ru an ti a, a put ru tak tak nge, anmahni hriatpuia put ru tih erawh a hriat loh.

Samsung phone thar hi chi hnih a ni a, pakhat chu Galaxy S8 a ni a, pakhat dang chu Galaxy S8 Plus a ni. 4G a support ve ve a, a display pawh a ṭha hle a, QHD+ a ni a, chu chu Galaxy S8 zawkah hian 2160 x 3840 pixel a ni. A RAM hi 4GB a ni a, internal storage-ah 64 GB a hmang a, a hnung lam camera hi 16MP tur a ni a, battery hi 3000 mAh a ni ang.

Samsung Galaxy S8 Plus nen a spec tam zawk a inang a, a danglamna chu S8 Plus hmai hi a hlai zawk. S8 pangngai hmai hi inchi 5.6 a ni a, S8 Plus hi inchi 6.2 a ni. Hma lam camera hi 8MP ve ve tur a ni a, Iris scanner a awm a, bawlhhlawh nawi leh tui huh laka him tura duan a ni. Engtika zawrh chhuah tur nge an la sawi lo a, tunkara MWC 2017-ah an zawrh chhuah hun tur an tarlang ang.