Gaga-i’n Barbra Streisand hnung zui a tum

‘Million Reasons’ hit siamtu chuan zai­thiam chuai thei lo leh ropui, Barbra Streisand hnung zui a tum nia sawi a ni.

Barbra Streisand hi khawvel hmeichhe zai­thiamte zingah chuan tun thlenga hlawh­tlin theihna hla la nei thei a ni a, kum 74 mi a ni tawh. Kum 60 chhung chu kum 10 bi zela album chart-a pakhatna luah thei album ti­chhuak thei a ni.

Khawthlang chan­chin­buten an tarlan dan chuan Gaga hian a in chhungah Streisand pual hian hmun serh a nei a, a hlate a ngaithla reng a, a channa movie te a khat tawkin a enṭhin bawk. “Gaga hian Madonna kawng zawh ang lam zawh a duh lo a, Barbra Streisand lam hi a duh zawk a ni,” tiin an tarlang a, kum sawm bi zela pakhatna luah thei album, kum 60 chhunga a nei theih anga neihte a chak ve hle nia sawi a ni bawk.