TBC Zaithanpuia kumina mipaa pakhatna luah hmasa ber

Hontrade International Ṭhazual Fakna chart chhuak thar berah TBC Zaithanpuia hla 'Nang chauh i ni' tih chu pakhatnaah awmin, kumin chhunga Fakna chart-a mipaa pa­khatna luah hmasa ber a ni.

TBC Zaithanpuia hi Fakna chart-ah chuan mi thar a ni lo a, chu chauh ni loin mipa zinga hlawhtling ber tih ngam a ni. 'Nang chauh i ni' tih hla hi kumin Fakna chart tih­chhuah hmasak berah khan paruknaah a rawn lang ṭan a, top 10-a lang nghalah, paruknaa lan theih nghal hi thil harsa tak a ni.

January 30-a Hontrade International Ṭhazual Fakna chart tihchhuahah khan panganaah a kai chho a, hemi ṭum hian a hla pakhat, 'Zawh ka zuam lo' tih chu pariatnaah a rawn lang ṭan ve bawk. February 13 khan 'Nang chauh i ni' tih hla hi pathumnaah a rawn lang a, pahnihna kal kânin pakhatnaah a rawn kai ta a ni.

Fiona Pachuau hla 'I hming chauh' tih chu pahnihnaah a rawn kai chho a, a hmaa pakhatna, Mawitei ft Open Strings hla 'A vul zel' chu pathumnaah a chhuk thla. Top 10-a a sang palite hi Parema hla phuah, 'Ka vui lo Lalpa' album-a mite kha an ni a, hei hian Parema hla phuah thiamzia a lantir mai bakah, Pathianin a hlate a hmanzia a lang. Top 10 aṭanga kal chhuak an awm lo.

Hontrade International Ṭhazual Fakna
1 TBC Zaithanpuia - Nang chauh i ni
2 Fiona Pachuau - I hming chauh
3 Mawitei ft Open Strings - A vul zel
4 Bethsy Lalrinsangi - Mifelte chauh thlang lova
5 Pensy B. Lalthangliani- Ka inhumhimna
6 Lalremsiami (Nunui) - Ka vui lo Lalpa
7 Lalremsiami (Nunui) - Malin ka awm lo
8 Sawmtea - I tan ka hlan
9 TBC Zaithanpuia - Zawh ka zuam lo
10 Lalhlumawii - Ka dai ngai loh ram nuam