IZ*ONE-in album hralh hnem lamah record thar siam

K-pop girl band, IZ*ONE chuan Hanteo Charts-ah record thar siamin, an album Oneiric Diary chu kar khat chhungin copy 3,89,334 an hralh thei a, hei vang hian K-pop girl band zinga Hanteo Chart a album hralh hnem ber an ni.

IZ*ONE hi member 12 awmna band niin, South Korean leh Japanese an ni hlawm a, kum 2018 aṭang khan  hriat an hlawh chho ṭan a ni. K-pop music ngainatute zingah chuan hriat hlawk tak an ni tawh. Record thar an siampui an album Oneiric Diary hi June 15 khan an thlangzarh a, kar khat chhung leka copy tam tak an hralh hman hian fan an ngahzia leh girl band satliah an nih lohzia a tilang.

IZ*ONE nikum 2019 khan an hming an chher ṭan­­na reality show, Produce 48 huaihawttu Mnet nen an inkarah buaina a awm avangin an chawl lailawk a, kumin January 6 khan an lo kir tur thu an puang a,  February 17 khan album thar Bloom*Iz nen music khawvelah an rawn kir leh ta a ni.