Undertaker-a'n Wrestling chawlhsan ta
American professional wrestler Mark William Calaway, ring chhunga The Undertaker tia kan hriat lar chuan Thawhṭanni khan World Wrestling Entertainment (WWE) a chawlhsan thu a puang.
Feet 6 leh inch 10 a sang, kum 55 mi Undertaker hi wrestling a khelh chhungin vawi sarih lai WWF/E-ah world heavyweight champion a lo ni tawh a, WWF/E Championship-ah vawi li a champion a, World Heavyweight Championship-ah vawi thum a lo champion tawh a ni. May 10 aṭang khan Undertaker chanchin ṭhenkhat tarlanna docuseries, 'The Last Ride' tih chu fan-te en theiha tihchhuah a ni a, he docuseries-ah hian chapter/episode 1-5 thleng a awm a ni.
Kum 1987 June 26 aṭang khan Undertaker hian wrestling professional a khel ṭan a, World Class Championship Wrestling (WCCW)-a a luh hnuah kum 1990 chho khan WWE chu a luhchhilh chho ṭan a ni. Kum 32 chuang zet mai wrestling khawvelah a hun a hmanga, hemi chhung hian mite hriat reng ni tawh turin wrestling khawvelah hian a hming a chher a ni.