Mizo horror/thriller film thar 'The Hut' a chhuak ta

Mizo horror thriller film thar 'The Hut' chu nimin khan Dr.Louis Hauhnar, Principal Mizoram Hindi Training College chuan a tlangzarh.

He film hi Mizo film industry-a mikhual lo tak C. Hmingthangvunga produce a ni a, Director leh Editor chu H.Lalchhuanawma a ni thung.

Tlangzarh inkhawmah hian C. Hmingthangvunga chuan, "Mizote hian thlahrang film en tur kan nei nual tawh a, a kalphung inang pat pat leh kawrvâr fual haa intihṭhaih ang rawng kai deuh vek a nih avangin, hetiang lo deuh leh danglam deuh tur film thar kan mamawh hle a ni tih ngaihtuah chungin he thlanghrang film 'The Hut' hi siam a ni," tiin a sawi.

Director H. Lalchhuanawma chuan technical report pein, "Shooting chhungin Pathian hruainain harsatna tawk loin kan tlingtla thei a. He film hi minute 55 a sei tur a ni a, a tir aṭanga a tawp thlengin entute a tiṭhaih tluan chhuak zak dawn a ni. He filmah hian Mizo film thlahrang kan lo hmuh tawh ṭhinte ang lo takin after effect leh visual-ah a bon hle dawn tih mipuite ka hrilh duh bawk a ni," a ti.

'The Hut' film en duh tan application thar siam a ni a. Vtech apps-ah ni zanin dar 8:00 aṭangin film hi man chawia en theih a ni ang.