Time magazine chuan kum tina a tih ṭhin angin 100 Most Influential People 2022-a an thlante hming chu an puangzar leh ta a, category parukah ṭhenhrangin Zendaya, Tim Cook, Simu Liu leh Mary J. Blige-te pawh list-ah an tel a, tunhnaia indo mek, Ukraine leh Russia ram hruaitute pahnih- Volodymyr Zelensky leh Vladimir Putin-te hming pawh list-ah hian hmuh tur a awm.
List an tihchhuahah hian chu chu a hmasa ber emaw, chu chu a 'ber' a ni e tih emaw an nei ngai lem loa, kum dang ang bawkin Artists, Innovators, Titans, Leaders, Icons leh Pioneers-ahte ṭhenhrangin chungah chuan hming eng emaw zat an tarlang a ni.
Artists huangah Ṭhalaite ngaihven deuh ber tur Artists huangah chuan Simu Liu, Andrew Garfield, Zoe Kravitz, Sarah Jesscia Parker leh Amanda Seyfried-te hming pawh a lang a, tunhnaia hming langsar Pete Davidson pawh telin Channing Tatum leh Mila Kunis-te hming pawh hmuh tur a awm.

Innovator lamah Zendaya Zendaya chu Innovator huangah a hming langsar takin an tarlang a, he huanga lang zingah hian Taika Waititi leh Miranda Lambert-te pawh an lang a ni.

Category dangah Titans huangah Tim Cook leh Oprah Winfrey-te bakah Kris Jenner-te hming pawh hmuh tur a awm a, Leaders huangah chuan Volodymyr Zelensky, Vladimir Putin, Xi Jingpin leh Joe Biden-te hming pawh a lang. Icons lamah chuan Mary J. Blidge, Keanu Reeves, Adele, Rafael Nadal leh kumin Grammy-a che ṭha tak Jon Batiste-te hming pawh hmuh tur a awm. Pioneers lamah chuan Candace Parker, Frances Haugen leh Emily Oster-te hming pawh tarlan zingah a tel.