Dua Lipa leh Calvin Harris thawkdun leh dawn

Kum 2018 khan 'One Kiss' hlaah an thawkdun tawh a, tunah pawh an thawkdun leh dawn e.

Calvin Harris chuan TikTok kaltlangin Thawhlehni khan hemi chungchang hi puangzarhin hla thar 'Potion'-ah an thawkdun dawn a, Lipa nena an in-FaceTime-nate pawh a dahlang a ni.

He an thawhdunna hla thar hi Zirtawpni hian a chhuak dawn a, Young Thug pawh an zingah a tel dawn niin report ṭhenkhatah chuan tarlan a ni nghe nghe a, Harris album thar tur Funk Wav Bounces Vol.2-a mi tur niin an sawi bawk.