Pepsi-in Super Bowl Halftime Show sponsor tawh dawn lo

NFL Super Bowl Halftime Show chu Pepsi-in an sponsor tawh dawn loa, kum 10 lai an sponsor hnuah an sponsorship chu an titawp tawh dawn tih an puang.

Pepsi chuan thuchhuah siamin kum 10 lai an sponsor hnuah midang kuta hlan ve a hun tawh nia an hriat thu an tarlang a, artist leh fan-te hnenah lawmthu an sawi bawk.

NFL leh soda company Pepsi inremna hi 2021-22 season-ah hian a tawp a, tunhnai khan an contract chu ziak thar leh mah se chu an inremna tharah chuan halftime show sponsor hi a tel ta lo a ni. Pepsi hian a chhan tak tarlang lo mah se media ṭhenkhat chuan digital media lamah thuk zawka luh an tum vang niin an tarlang a, hei hi broadcast view a tlakhniam nasat vang niin an sawi bawk. Kumin halftime show khan thlirtu maktaduai 103.4 vel a nei niin an chhut a, kum 2015 kha chuan mtd 120.7 vel laiin an thlir anga chhut a ni thung. Halftime show rights hi $mtd 40-50 velin an hralh dawn niin an sawi.