Dr. Rema Chhakchhuak lehkhabu ‘Kawng Chhuk Chho’ tlangzarh

27th May, 2022

‘Eng nge i zawn?' (MAL book of the year 2020) leh ‘Mingo Phurrit’ lehkhabu lo tichhuak tawhtu Dr. Rema Chhakchhuak lehkhabu ziah 'Kawng Chhuk Chho' chu Rhyme&Reason Project YouTube channel-ah Online-in Lalchuangliana, Founder Concern network chuan a tlangzarh.

Vanlafela Chawngthu, Rhyme & Reason Project chuan lehkhabu ziaktu kawmna leh lehkhabu review-na a nei a, Malsawmtluanga leh HT Lalhlimpuii-te'n Fakna hla an sa bawk.

Kawng Chhuk Chho hi Baptist Bookroom, Synod Bookroom, Lianchhungi Book Store, The Book Cafe, RL Nuteii Book Store leh lehkhabu dawr hrang hrangah Rs. 300-in lei theih a ni a, physical copy lei thei lote tan, E-Book copy lei leh chhiar tur Google Play Book lamah a awm bawk a ni.