Bob Dylan-a’n ‘Blowin’ in the Wind' record thar lilam dawn

Music legend Bob Dylan-a'n 'Blowin’ in the Wind' a record thar chu lilam a ni dawn a, $752,000 vel tal chu an chhiar dawn a ni.

Kum 81 lai ni ve tawh Bob Dylan hian a folk classic 'Blowin’ in the Wind' hi kum 1962 velah khan a record tawh a, tuna an lilam erawh hi chu tun hnua a record thar leh niin kum 1962 hnua studio-a he hla a record leh hmasak ber a ni a, thuchhuah an siama tarlan a nih dan chuan Grammy hial pawh dawng tawh producer T Bone Burnett chuan a Ionic Original disc format-in a record thar a ni nghe nghe.

Burnett chuan thu chhuah siamin,"Bob-a'n 'Blowin’ in the Wind' a phuaha a record hmasak ber aṭanga kum 60 lai a liam hnuah, a hla record thar chu min pe a ni," a ti.

July 7 hian lilam a ni dawn a, $752,000 leh $maktaduai 1.2 inkar vela hralh theih an inbeisei.

'Blowin’ in the Wind' hi kum 1962-a a phuah a ni a, kum 1963-a a tlangzarh 'The Freewheelin' Bob Dylan' album-ah khan dahin kum 1994 khan Grammy Hall of Fame-ah he hla hi an lalut a ni.