Miss Mizoram 2017 Fitness Round an zo leh ta
Miss Mizoram 2017 buatsaih mekah nimin khan Fitness Round awmin an zo leh ta a, he Round-a an intihsiakna hi tunkar Zirtawpni zanah tihchhuah beisei a ni a, hemi rual hian Photoshoot - Street Style tihchhuah tura ruahman a ni bawk.
Intihsiakna hrang hrang neih chhoh a ni tawh a, Fitness Round bakah hi chuan Charity Dinner leh Grand Finale te hmachhawp a ni deuh tawh mai. Fitness Round hi Magnus Club, Khatla-ah neih a ni a, Fitness Round aṭang hian Miss Active thlan chhuah tur a ni. People’s Choice pawh hawn chhoh mek a la ni a, Miss Mizoram Facebook page leh Instagram-ah, contestant thlalak, People’s Choice logo chuanna LIKE tur a ni a, LIKE-tu nei tam ber chu People’s Choice a ni ang.
Miss Mizoram 2017 hian SHALOM nen ṭangkawpin Charity a kalpui mek a, HIV/AIDS veite enkawlna tur sum tuakin hma a la mek a, ṭanpuina pe duh tan ZONET Office-ah la pek theih reng a ni. Hei bakah hian Grand Finale hma hian Charity Dinner buatsaih tum a ni a, he dinner aṭanga sum hmuhte hi HIV/AIDS veite enkawlna atana hman tur a ni. Charity Dinner-a tel duh tan ZONET Office-ah ngaihven theih a ni.
Miss Mizoram 2017 Grand Finale hi March 10, Zirtawpni zan khian MZU Multipurpose Hall-ah neih a ni ang. Grand Finale-ah hian Tradition leh Evening Gown hmanga inelna te a la awm leh dawn a ni.