Future-a Future a hlawhtling

Future a rawn che tak tak a, Billboard chart-ah pakhatna a rawn luah dêr. Furture hian a hming chawiin album ‘Future’ a rawn tichhuak a, kar liam ta chhung khan copy 140,000 zet a hralh a, pakhatna a luah chiang hle.

Future album ‘Future’-ah hian hla 17 a awm a, Future tana tuna a album hi Billboard 200-a pakhatna luah thei a album palina a ni. Copy 140,000 a hralh zinga copy 73,000 tlukpui hi streaming aṭangin a ni a, album pangngai ang chuan copy 60,000 a hralh a, a bak chu track equivalent a ni.

Bruno Mars-a album 24K Magic chu pahnihnaah a awm a, kar liam ta chhung khan copy 59,000 a hralh. Future nena an hralh tam lam aṭanga teh chuan Bruno Mars hian a hralh chhe hle a tih theih a, amah­erawhchu a album a tihchhuahna rei tawh ngaihtuahin a la hralh ṭha hle. Pahnihnaah ringawt pawh hian a ṭum li awmna a ni tawh. The Weeknd album ‘Starboy’ chu copy 50,000 tling lo hret a hralh a, pathumnaah a awm.

“Future” - Future (140,000)

“24K Magic” - Bruno Mars (59,000)

“Fifty Shades Darker” Soundtrack- Various Artists (53,000)

“Starboy” - The Weeknd (50,000)

“Culture” - Migos (50,000)

“I Decided” - Big Sean (49,000)

“In It to Win It” - Charlie Wilson (48,000)

“Prisoner” - Ryan Adams (45,000)

“Windy City” - Alison Krauss (38,000)

“Trolls” Soundtrack - Various Artists (37,000)