Mercedes Benz car thar phochhuak

Mercedes Benz chuan an car thar 2017 E-Class sedan chu India-ah an tlangzarh a, a man a neu lem lo a, nuai 56.15 man a ni.

2017 Class-E sedan, India-a an tlangzarh hi long wheelbase a ni a, long wheelbase, ding lama driver seat awm an tihchhuahna hmasa ber chu India a ni. He car hi diesel leh petrol engine hmang chi a awm. E200 chu nuai 56.15 man a ni a, E350d chu nuai 69.47 man a ni.

Stuttgart-a innghat, Mercedes Benz-in car a tihchhuah zingah E-Class hi India rama an hralh tam ber a ni a, long wheelbase tih­chhuah a’n nih takah hian Mercedes hi India-ah nasa lehzuala ṭhang tura beisei a ni. A changkang a, tech changkang tak taka thuam a ni. 360 surround aerial view camera hmanga thuam a ni a, parking sensor, a hnung leh hmaah a awm a, driver puitu tur feature hrang hrang a awm bakah airbag pawh pasarih lai a awm. Diesel variant, E350d bik hi 258 bhp a ni a, a torque hi 620Nm a ni a, 3 litre turbo-diesel engine a hmang. Petrol hmang chi, E200 hian 2 litre turbocharged engine a hmang a, 238 bhp niin, 300 Nm of torque a ni.