Chapchar Kût Lady thlang leh dawn

Mizo Photographers’ Society chuan tun Chapchar Kût denchhen hian Chapchar Kut Lady 2017 an thlang dawn.

MPS hian nikum lamah te pawh Chapchar Kût Lady hi an lo thlang tawh. Chapchar Kût Lady hi Chapchar Kût hmanna hmun, Lammuala Kût chhimtu nula, Mizo hnam thuam inbel, kum 16 tling chin aṭangin a thlang chhuak leh ang. MPS-in Kut Lady a thlan leh tur hi Art & Culture Department, CYMA leh MHIP General Headquarters te hriatpuina leh an support-na hnuaia thlan a ni dawn a, lawmman ṭha tawk tak siam a ni ang.

MPS hian Art & Culture leh I&PR Department kaihhruaina hnuaiah Chapchar Kût denchhenin, March ni 2-4 chhung hian Vanapa Hall-ah Photo Exhibition a buatsaih dawn bawk.