Tupac an kahna car zuar

Rapper ropui, Tupac Shakur, an kah laia a chuanna car chu USD mtd 1.5-a zawrh chhuah a ni.

Moments in Time chuan Tupac Shakur chuanna car, 1996 BMW 750iL hi an website-ah an zuar chhuak mek a, amahe­rawhchu Tupac Shakur-a kah hlum a nih hmalama he car chanchin erawh an tarlang tel lo.

He car hi Death Rows Records co-founder, Suge Knight ta a ni. Kum 1996 September thla khan Tupac Shakur leh Suge Knight te hi Las Vegas-a he car hmanga an lên laiin Tupac Shakur hi an kap a, a hnu ni rukah, kum 25 mi chauh niin a hliam tuar loin a thi. BMW car hi a odometer-ah chuan mêl 92,000 a tlan tawh.