'Upa F. Vanlalchhuanga hlate' album tlangzarh

Nizan khan 'Upa F. Vanlalchhuanga hlate' tih album chu Upa F. Lalremsiama’n Pathian hnena hlanin a tlangzarh.

He album a hlate hi Searaphic Choir-te'n an sa a, music video pangngai ni loin homecoming anga tih a ni. He album hmingah hian ‘Kan kovah Lalpan a nghat ta’ tih hla, Kristian hlabu a no- 529 kha hman a ni a, hla 10 a awm.

Hla zawng zawng hi live music a rem vek a ni a, audio live recording hi Delta sound-in an record a, Video coverage chu iCapture Life Production-te'n an cover a ni. Audio & Video editing chu choir director Lalchhandama’n a khawih thung. He album-a hla 10 te hi a bua siam niin a mamawhtu tan Upa F. Vanlalchhuanga, Nusery Veng (Presbyterian Pastor quaters chung)-ah a lam theih bawk.

He album hi MDM-ah register niin, MDM YouTube channel-ah leh Zonet Cable TV-ah en theihin a awm ang.