ShiRock-a band thiam ber The Prophets

30th May, 2022

India hmarchhaka rock band intihsiakna ngaihven hlawh ber zinga mi leh lian ber zinga mi ni bawk ShiRock-ah Mizo band The Prophets chu band ṭha berah thlan an ni a, Rs nuai 10 lai an dawng.

ShiRock band contest hi Manipur-ah neih niin The Prophets hi an original vocalist Ronnie Hmar-in a telpui thei loa, Sound from the Hills vocalist Frederick chuan puiin ani hian he rock contest winner hi a nihpui ta tho a ni. An keyboardist Samuel Chawngthu chu Best Keyboardist-ah thlan a ni bawk.

The Prophets hi NIT Thundermarch National Rock Contest-ah pakhatna an lo ni tawh a, khawvel huap ang pawha kût ngaihven hlawh Nagaland Hornbill International Rock Contest-ah pawh pathumna leh pahnihna an ni tawh bawk a ni.