the Big Bang Theory changtuten an chanpui pahnih an hlawh sem an duh!

The Big Bang Theory-a a changtu original pangate chuan an chanpui pahnihte hlawh a san zawk theih nan episode tina an hlawh lak ṭhin zat aia tlem lak an duh a, CBS pawhin a pawmpui ngei tura ngaih a ni.

The Big Bang Theory-a a changtu original panga - Jim Parsons (Sheldon), Johnny Galecki (Leonard), Kaley Cuoco (Penny), Simon Helberg (Howard) leh Kunal Nayyar (Raj) te chuan an chanpui pahnih - Melissa Rauch leh Mayim Bialik te episode tina an hlawh a san zawk theih nan an hlawh ṭhin pangngai aia USD nuai khata lak tlem zawk an duh.

A changtu original pangate hian episode tinah USD maktduai khat vel an hlawh a, an hlawh aṭanga USD nuai khat ṭheuha an lak tlem chuan Bialik leh Rauch te hlawhah USD nuai 5 sem zai a ni ang. Bialik hian tunah hian episode tinah USD nuai 2 a hlawh a, Rauch hian USD nuai 4.5 a hlawh. He mite pahnih hi season 4 aṭanga chang ṭan an ni. Bialik leh Rauch te hi season hnih dang atana contract la ziak lo ve ve an ni.

The Big Bang Theory hi season 10-na kalpui mek a ni a, hlawh insem zai hi an pawm chuan Season 11 aṭangin an kalpui ang. Season 1 hi kum 2007 aṭanga chhuah ṭan a ni a, a kum telin entu an pung zel. Season 1 entu kha maktaduai 8.31 an ni a, Season 5 khan entu maktaduai 15.82 a nei. Season liam ta, season 9 kha mi maktaduai 19.36 ten an en tawh a ni. Season 9-ah khan episode 24 lai a awm.