Paris Jackson-i’n model contract a ziak

Tunlaia khawthlang chanchinbuten a chanchin an ngaihven, Michael Jackson fanu Paris Jackson chuan model contract a ziak.

Kum 18 mi Paris Jackson hi IMG Models nen contract an ziak a, IMG Models hi khawvela modelling agency lian berte zinga a mi a ni a, Gidele Bundchen, Gigi Hadid leh Candice Swanepoel te pawh he agency hnuaia mite an ni.

Paris Jackson hian kum tir lam khan modelling leh acting lama kal a chak thu a sawi a, manager atan Rod Stewart-a manager a hmang nghe nghe. Hetianga hma a lak chhoh hnu hian IMG Models nen contract hi an ziak ta a ni.