Ṭanpui ngaite ṭanpuitu Ryan Reynolds leh Blake Lively

Hollywood nupa tuak duhawm tak leh lawmawm ber zinga mi Ryan Reynolds leh Blake Lively-te chuan Thanksgiving pualin Canada-a chenna in nei lote leh ṭhalai traffic tawkte tan $500,000 an donate.

Ryan Reynolds-te nupa hian Covenant House, Vancouver leh Toronto-a an local branch-ah ṭanpuina hi an hlan a ni. Covenant House lam pawh hian an twitter account-ah hemi chungchang hi Nilaini khan an tarlang a, $250,000 chu Covenant House Vancouver tana an pek laiin a dang $250,000 tho chu Covenant House Toronto-ah an pe tih an tarlang.

Reynolds leh Lively-te hi milar zingah chuan midangte tana luangchhuah nasa ber pawl an nih a rinawm. Hripui leng vanga harsatna tuarte chhawmdawlna turin $makdtaduai 1 an lo pe tawh a,  NAACP (National Association for the Advancement of Coloured People) tan pawh tunhnai lawk khan  $200,000 an pe tawh bawk a ni.

Deadpool Actor Ryan Reynolds leh Blake

Lively-te hi kum 2012 khan inneiin fa pathum an nei tawh a, tunah hian  Pound Ridge, New York-ah an cheng mek a ni.