Spencer-ah British Actor-te chan an phal lo

Twilight star Kristen Stewart Lady Diana lema a channa tur 'Spencer' film-a Prince William lema chang tura audition nei tur zingah British lemchan thiamte tel ve an phal lo.

Casting director Amy Hubbard chuan an film buaipui mek chang tur kum 11 mi lemchan thiam audition nei tura sawmna Twitter-ah a tarlang a, chutah chuan audition nei turte chu European (not British-European) passport-te tan a nih thu tarlan a ni. Hei hi Brexit dan thar vang a nih thu a tarlang bawk.

'Spencer' film hi Princess of Wales Diana biopic a ni dawn a, Pablo Larrain chu director tur niin nakkum kumtir lamah Germany-ah shooting an nei ang.