Voltas Malsawm House Ṭhazual Gospel ; Pensy-i'n 'Vut aiah parṭhi' hmangin ro a rel

Voltas Malsawm House Ṭhazual Gospel chart-ah zaithiam chuai thei lo Pensy B Lalthangliani chuan a hla mawi tak 'Vut aiah parṭhi' hmangin ro a rel.

Pensy hian hun eng emaw chen hla thar a tihchhuah tawh loh hnuah thla hmasa lamah khan H.Thanga leh H.Lalremruata(L)-te hla phuah 'Vut aiah parṭhi' hi a rawn tichhuak a, chart lamah a che ṭha nghal a, tunah phei chuan pakhatna a ni ta hial a ni. Chart hmasa lamah khan pathumna a ni a, tunah erawh artist ṭha tak tak awmkhawmna Ṭhazual Gospel chart-ah ro a rawn rel ta vung mai a ni.

Tun ṭum Ṭhazual Gospel chart-ah hian Lalthansangi chuan 'Kalvari ka tan a par vul e' hmangin Pensy thachhang a dawl a, Melody Lalzirliani 'Chawimawi rawh u' chu pathumna a ni thung.

Grace Lalchhanhimi leh C Muani-te pawh top 5-ah an lang a, One in Christ, Rema, Ruatfeli & Rinzuala, Kristian Melody, Lalhlumawii leh Fiona Pachuau-te pawh chart-ah an lang a ni.

Ṭhazual Gospel top 10:-
1 Pensy B. Lalthangliani Vut aiah parṭhi
2 Lalthansangi Kalvari ka tan a par vul e
3 Melody Lalzirliani Chawimawi rawh u
4 Grace Lalchhanhimi I hmangaihna a lo lang thin
5 C. Muani Malin min awmtir suh
6 One In Christ Hnehna chu Lalpa ta a ni
7 Rema, Ruatfeli & Rinzuala with To coda Ani'n min hria
8 Kristian Melody Beiseina
9 Lalhlumawii (Bitei) Tawngtaina
10 Fiona Pachuau Mana lei