Eurovision trophy Ukraine tana drone leina turin hralh!

Kumin Eurovision Song Contest winner, Ukranian band Kalush Orchestra-te chuan an trophy dawn chu Ukraine-in Russia nena an indonaa a hman tur drone leina tur atan $900,000-in an hralh!

Eurovision trophy, crystal microphone chu Facebook lamah an lilam a ni. An sum hmuh chhuah hi Ukraine sipaite'n an hman tur drone leina atan hman a ni dawn tih an sawi. An trophy lilam lai vek hian Kalush Orchestra-te hian Berlin-a Brandenburg Gate-ah charity concert an nei a, chuta ṭanga an sum hmuh chhuah chu indona tuartute damdawi lam leh ei leh intur mamawh leina atan an hmang dawn tih an sawi.

Charity concert an neihah chuan band member Oleh Psiuk chuan mipui chu indonaa tel lo tura chahin an ram indonaah chuan UN sawi danin tualchhung mi 4,031 an thih bakah hliam 4,735 an awm tih a sawi a, chenna in tlan chhuahsan maktaduai 14 chuang an awm niin a sawi bawk.