BESY Choir ten hla thar tichhuak YouTube-ah channel thar an siam

Bible Society zaipawl, BESY Choir 2015-17 chuan music video thar an siam a, an music video siam hi ‘Krista ka nei’ tih hla a ni.

Mizorama standing choir hlun berte zinga mi leh, zaipawl kan neih ṭhat berte zinga mi BESY Choir music video thar ‘Krista ka nei’ tih hla hi an conductor, Malsawmtluanga Sailo a ni. He music video hi RDS Shot kutchhuak a ni a, voice recording hi BESY Choir studio, Mary Jone Studio, Bible House-a record a ni a, live-a an record a ni nghe nghe.

BESY Choir studio, Bible House hi a bula lei khi avanga ṭhiah tura tih mek a ni a, BESY Choir te hian uiawm an ti hle.

BESY Choir hian an rawngbawlna tihzauh nan YouTube-ah channel thar an siam a, tuna an hla thar pawh hi YouTube-a an channel-ah an dah ang. Hei bakah LPS leh ZONET-ah te tihchhuah tura pek chhuah a ni bawk ang. Music video an siam bakah hian Sap hla album tihchhuah tumin hma an la mek a, hei bakah hian rawngbawlna hmachhawp hrang hrang an nei.