MSL Dance Battle atan form a lak theih
Mizoram Super League Halftime Dance Battle awm tura ruahman mek a ni a, he dance battle-a tel duhte tan form a lak chhuah theih ta.
MSL Halftime Dance Battle-a tel duhte chuan Mizo Dance Camp Studio, Electric Vengah form a lak chhuah theih. Tel tumte chuan dance video pahnih an submit a ngai dawn a, heng video submit aṭangte hian finalist crew pali thlan chhuah a ni ang. Finalist crew palite hi semi final aṭangin Live-in an intihsiak dawn a ni.
MSL dance battle-ah hian Crew member pali aṭanga pariat inkar tan a tel theih a, an lâmna tur hi minute hnih aṭang minute hnih leh a chanve inkar a ni tur a ni. Audition video hi April 14 thleng a theh luh theih a, April 15 hian Finalists palite puan chhuah a ni ang.
Lawmman pakhatna hian Rs. 20,000 leh certificate a keng tel a, pahnihnain Rs. 10,000 leh certificate a ni. Pathumna leh palina hian Rs. 5000 ve ve an dawng ang. Kumin MSL Halftime Dance Battle Judge tur hian nikum lama lo judge tawhte kha an rawn kir leh dawn; Alan Rinawma, Creative Director - Mizo Dance Camp, Nutei Pautu, Owner - Fit In Studio, Khatla leh Steve Lalruatkima te an ni ang.