Oprah Winfrey-i’n president chuh a ngaihtuah

Donald Trump pawh a tlin theih chuan...tih hi Oprah chungchang a rik hnua sawi zui a ni. Donald Trump, tawnhriat pawh nei mang lo US president-a a tlin theih chuan Opra Winfrey tan eng nge harsatna ni ang?!

Bloomberg-in an kawmnaah Oprah Winfrey hian ‘Tunah chuan ka ngaihtuah vel mek a ni,” tiin US presidential candidate chungchang a sawi. Kum 63 mi, presenter leh philanthropist hian Bloomberg Media hnenah, “Tawnhriat ka nei lo a, thil ka hre tawk lo. Mahse tunah chuan ka ngaihtuah vel mek a ni,” a ti.

Politics-a Winfrey-i tawnhriat hi a tam lo a, Obama tana a campaign kha a ni deuh mai. Kum 2007 leh 2008 te khan Obama campaign nan sum a tuak a, Iowa, South Carolina leh California-a rally-ah te a tel. Kum 2016 khan Hillary Clinton tan beitute zinga mi a ni.