TikTok-ah Pink Floyd

An hlate lampui zaw zaw rem hran em em lo mah se, Pink Floyd chuan TikTok lamah account an neih thu Thawhṭanni khan an puang.

English psych rocker-te hian ni khat chhungin follower sang sarih vel chu an nei hman a, an hla lar pahnih 'Breathe (In the Air)' leh 'Another Brick in the Wall'-te hmangin video pahnih an dah chhuak nghal bawk.

Pink Floyd hian April thla khan kum 30 dawn chhunga an single hmasa ber 'Hey Hey Rise Up' chu an tihchhuak a, David Gilmour leh Nick Mason-te chuan Ukrainian vocalist Andriy Khlyvnyuk thawhpuiin he hla aṭanga an sum hmuhchhuah hi Ukraine Humanitarian Relief Fund hnenah an pe dawn a ni.