Global Citizen Festival

A vawi khatna atan Germany-ah Global Citizen Festival buatsaih a ni dawn a, hetah hian zaithiam larte an fuankhawm dawn. Tuna he huna zai tur hriat theih zinga langsar chu Coldplay, Ellie Goulding leh The Chainsmokers te an ni.

He festival-a telte hian he hun hi G20 Summit neih huna poli­tician-te hnena ngaihtuah tura an duh thilte an ngaihtuah theih nana nawrna hun remchangah an hmang thei dawn a ni. Hamburg khawpui­a neih tura kalte hian tunlai khawvelin buaina a hma­chhawn hrang hrang - zirna, hriselna, hmasawnna leh raltlan chung­changah G20 Summit-a tel tur politician-te ngaihtuah turin nawr nan an hmang thei ang.

Global Citizen Festival hi kum 2012 aṭanga neih ṭan tawh kha a ni a, New York-a Central Park-ah nghah a ni tlangpui. Tun ṭum hi Germany-a an nghah vawi khatna tur a ni. Nikum khan Coldplay leh Jay Z chu performer lian tham an ni.