Logan-in wolverine dang a rawn khum
Hugh Jackman-a’n Wolverine film a chan hnuhnun ber tur, Logan chu Zirtawpni khan North America-ah chhuah ṭan a ni a, kar tawp chhunga sum lalut hnem ber a nih mai bakah, Wolverine film dang chhuakte pawh a rawn khum.
Logan hi kumin chhunga movie tihchhuah tawh zingah, chawlhkar khat chhunga sum lalut hnem ber a nih mai bakah, Wolverine movie tihchhuah tawh pahnihte pawh kar khat chhunga sum lakluh hnem lamah a rawn khum. Chu mai bakah, R-rated movie zinga chawlhkar khat chhunga sum lalut hnem pangana a ni a, Fifty Shades of Grey a rawn nek chhuak. A chunga la awm te chu Deadpoll, The Matrix Reloaded, American Sniper leh The Hangover Part II te a ni.
USD mtd 97 senga siam Logan hian kar tawp ni thum chhung khan North America aṭangin USD mtd 85.3 a lalut a, ram dang aṭanga a lakluhte nen USD mtd 237.9 zet a tling. Get Out chu Logan hian a rawn nek chhuak a, Get Out film hi pahnihnaah awmin, USD mtd 26.1 a lalut. The Shack chu pathumna niin, USD mtd 16.1 a lalut.
Box office movie-te
“Logan” - $mtd 85.3
“Get Out” - $mtd 26.1
“The Shack” - $mtd 16.1
“The Lego Batman Movie” - $mtd 11.6
“Before I Fall” - $mtd 4.9
“John Wick: Chapter 2” - $mtd 4.7
“Hidden Figures” - $mtd 3.8
“The Great Wall” - $mtd 3.5
“Fifty Shades Darker” - $mtd 3.5
“La La Land” - $mtd 2.97