Grace-i No Khat a la khat ṭha zel

Grace-i hla ‘No Khat’ chu a la khat ṭha zel a, a zawna a vawi thum nan Hontrade International Ṭhazual Lengzem chart-ah pakhatna a la luah thei cheu.

Hla phuah thiam leh zaithiam Grace 10:45 hla ‘No khat’ lehthal thei an la awm lo a, a zawnin pakhatnaah vawi thum a awm ta. Kumin chhungin Ṭhazual lengzem chart hi vawi ruk tihchhuah a ni tawh a, Grace-i’n vawi thum pakhatna a luah thei a, a hla ‘No khat’ hlawhtlinzia a lang.

Kumina Ṭhazual lengzem chart tihchhuah tawhah, Lilzo chuan ‘Ka sawm che’ tih hla hmangin pakhatna vawi hnih a luah a, chu mi hnuah Mimi Renthlei hla ‘Hrilh a’n ka mawi si lo’ tih rawn langin, hemi hnu aṭangin Grace-i hla ‘No Khat’ hi pakhatnaah a lang ta char char a ni.

Kimkima hla ‘Ka zei an ti ṭhin’ tih chu pakhatnaah a lawn kai mai a rinawm viau laiin, pahnihna aṭangin pathumnaah a chhuk thla a, Michelle Varte ‘Sakhmelṭhachuang’ tih chu pahnihnaah a rawn kai chho; Michelle Varte hi palina aṭanga pahnihnaa rawn chho a ni. Top 10-ah hian chhuak emaw lang thar emaw an awm lo a, a hmasa tihchhuaha top 10-a langte kha an la lang kim.

Hontrade International Ṭhazual Lengzem 10

1 Grace - No khat

2 Michelle Varte -

Sakhmelṭhachuang

3 Kimkima - Ka zei an ti ṭhin

4 Mercy Remsangmuani - Hmangaihtu ngaiin an ṭap e

5 Feli Fanai - Theih chang se

6 Caseys Secret - Duhaisam

7 Tetea - Duhaisam tikimtu

8 Thiamchantira - Palai tir ang aw

9 Mimi Renthlei - Hrilh an ka mawi si lo

10 Lilzo - Ka sawm che