Karrueche Tran

Chris Brown-a bialnu, kar hmasa hmasa leh maia Chris Brown khuahkhirh tura court-a thu thlentu, Tran Karrueche chuan Chris Brown chunga hremna an lek kawhah duh tawk a la hmu mai lo.

Karrueche-i’n court-a thu a thlen angin court chuan hun eng emaw ti chhung atan Chris Brown chu Tran bul hnaia awm lo tur leh, a hnaih berah pawh yard 100 (ft. 300 vel) aia hnaiha awm lo turin Brown khuahkhirhna thu hi a tichhuak a ni. Hetah hian Tran hi a la lungawi mai lo a, hun eng emaw chen chauh ni loin, ‘tun achinah’ tia thlak leh zawk a duh.

Karrueche hian Chris Brown hnen aṭangin thaha vauna a dawn ṭhin thu a sawi a, court hnenah a thu dawn nen hian kalin, Chris Brown hi khuahkhirh turin a ngen a, a ngenna chu tihhlawhtlin a ni. Hetiang thil vel a awm hnu hian a tih tura court-in a tih chu ṭum thum zet a ṭhulh leh tak avangin Chris Brown khuah­khirhna hi a dam chhung atana pawh sei a duh a, March 9 hian court-ah a kal leh ang.