Artist of the Year-ah Adele thlang

Music Business Association chuan Adele chu Artist of the Year-ah an thlang. Music Business Association hian Adele hi Music Biz 2017 conference-ah Artist of the Year chawimawina hi an hlan ang; hlanna hun hi Nashville, Tennessee-ah May thlaa neih tur a ni. Music Business Association chuan “...a 25 hlawhtlin avang te, review ṭha tak tak a dawng leh, khawvel hmun hrang hranga a tour ticket hralh zawh pak pak a nih avang te” tiin, music-a a hlawhtlinna hrang hrang avanga chawimawina hi pek a nih tur thu an sawi.