Seafood ṭha mi atan Leonardo-a’n sum a invest

Leonardo Dicaprio hi environment lamah chuan a thilphal a, sum tam tak a seng a, a theh­chhuak. Tunhnaiah pawh seafood ṭhami, environment tana pawi lo tur atan sum a invest leh.

Leonardo hian LoveTheWild company hmalakna a thlawp a, he company-ah hian sum a invest. LoveTheWild hian tuipuisa (seafood), farm-ah khawiin mihring ei turin an hralh chhuak ṭhin. Hetianga tuipuisa farm-a vulha hralh chhuah hian tuipui nungcha rem zel tur a veng a ni.

Leonardo hian, “Kum 2050 khi chuan khawvela mihring awm hian tluklehdingawn kua kan tling tawh dawn nia chhut a ni a, chuti zat kan nih chuan ei tur kan hmuhna tam tak hian a tuar dawn. Tuipuisa hi tlukleh­dingawn tam takte tan protein an hmuhna chaw ṭha a ni. Amah­erawhchu sik leh sa inthlak avang te, tuipui tuiah thûr (acid) a tam tial tial avang te, sangha kan man nasat lutuk tak avangtein kan tuipui hi kan chil phul mek a ni,” a ti. “Kan chîl phulh nasat tak avang hian tuipui ecosystem chu chhe vek thei khawpin kan siam mek a, chu chuan mi tam tak chaw hmuhna tuipuisa hi a tikiam a ni,” a ti.