Hillsong Young & Free-in hla thar pahnih tichhuak

Grammy nomination hial pawh lo hmu tawh, Hillsong Church hnuaia youth movement Hillsong Young & Free chuan kar hmasa khan hla thar pahnih 'World Outside Your Window' leh 'As I Am' an tichhuak.

An hla thar hi live video nen an tichhuak a, studio leh live recording tichhuakin an lead vocalist Josh Grimmett leh Melodie Wagner-te an zai a ni. Streaming service hrang hrang bakah YouTube lamah pawh ngaihthlak theih turin an chhawp chhuak nghal a, 'As I Am' hi tlangzarh turin kum eng emaw zat chu an nghak tawh tih sawiin, tun hi tlangzarh hun tak nia an hriat thu an sawi.

'World Outside Your Window' leh 'As I Am' hmang hian kumin chhunga  Young & Free single tih­chhuah panga an tichhuak ta chiah a, a hmain 'Never Have I Ever', 'Lord Send Revival' leh 'Best Friends'-te an lo tichhuak tawh bawk a ni.