White House tlawhtu BTS

Asia mite'n huatna leh enhranna an tawh ṭhin chungchang an sawi chhuak

Asian American and Pacific Islanders Heritage Month zawh dawn ni, Thawhlehni khan Korean boy band BTS chuan US President chenna White House tlawhin Asia mite'n huatna, harsatna leh enhranna an tawh ṭhin chungchang an sawi.

Press Secretary Karine Jean-Pierre chuan BTS-te hmelhriattirna huna hman hnuah RM chu press conference-a thu sawi hmasatuah a ṭang a, Asia mite'n huatna leh an laka pawikhawihna thleng ṭhin chungchang chu issue pawimawh tak a nih thu a sawi. "Vawiina White House-a sawm kan ni leh anti-Asian hate crimes, Asian inclusion leh diversity chunghchang sawi ho tura sawm kan ni hi kan tan chuan chawimawina ropui tak a ni a," a ti.

"Tunhnaia midang huatna vanga pawikhawihna pung nasa leh Asian American huatna avanga an chunga pawikhawihna a thleng hi pawi kan ti a, chumi titawp tura kan aw chhuahna atan chuan he hun hlu tak hi kan hmang duh a ni," tiin Jimin chuan a sawi ve bawk.

Band member dangte chuan Korean ṭawngin thu an sawi ṭheuh bawk a ni. BTS hian huhang an nei lian bawk a White House YouTube live stream lamah pawh thlirtu an ṭhahnem hle.