International Women’s Day-ah milarte

Nilaini kha khawvel pum hmeichhe ni a ni a, he niah hian milar hmeichhiate pawh an che chhuak hlawm. Katy Perry, Alicia Keys, Adele, Barbra Streisand te chu a lar zual zinga mite an ni.

Alicia Keys chuan social media-ah “Hmeichhia­te hi pathiannute ang maia chawimawi tur an ni tih hre tur­in ka fate ka enkawl ang,” tiin a ziak. Adele chuan Canadian politician thi tawh, Charlotte Elizabeth Whitton thusawi a tar chhuak a, Barbra Streisand chuan, “Hmeichhia­ten hna an thawh nasat hian economy a ṭhang ṭhin,” a ti.

Anni bakah hian Katy Perry te, LeAnn Rimes te, She­ryl Crow, Rosario Dawson, Lin-Manuel Miranda, Mario Lopez, Nelly Furtado, leh Marcia Cross te pawh hmeichhe nia social media kaltlanga thu post-tute an ni. Hmeichhe ni support-a demonstration neihnaah Jessica Chastain chu a meizanghlaptu a ni.